* * * தஞ்சை.வாசன் * *

அது...

2012-02-09T05:46:00.000-05:00

அது!!!
இருள்படர்ந்த வானம்
துணையற்ற முழுநிலவு
கூரையில்லா மேல்தளம்
யாருமற்ற தனிமை
நிலவின் துணைத்தேடி
அவனது மனமும்பயணம்
திகட்டாத இன்பமாய்
நாசியினை தீண்டாமல்
மேனியை வருடிமெல்ல
மயக்கும் இயற்கைக்காற்று...

அது?
நிலவொளியின் குளுமையோ?
ராப்பொழுதின் தன்மையோ?
குளிர்காலத்தின் சிலிர்(ற)ப்போ
மரங்களின் தாலாட்டோ?
என்றே அமைதியாய்
வானம் பார்த்து
சிந்தித்து தனிமையை
மறந்திட்ட இடைவேளை....
காற்றோடு கலந்து
இசையாக வெளிவரும்
சங்கீதமாய் செல்போனில்
அவனுக்கான அழைப்பு....

அது
தனிமையை போக்க
வந்திட்ட ஒன்றோ?
தனிமையை உணர்த்த
வந்திட்ட ஒன்றோ?
அக்கணத்தில் விடைத்தெரியாத
ஒன்றாய் மனதுக்குள்...
ஒற்றை நொடியில்
எத்தனையோ சிந்தனைகள்
வியப்பான ஒன்றாய்
உண்மையான ஒன்றாய்...

அது தொடரும்.....

நீவேண்டுவது நானா?

2012-01-25T10:35:00.002-05:00

வாழ்வில் சந்திக்கும்
தோல்விகள் போதுமென்று
தோள்சாய்ந்து மனமழுதிட
நீவேண்டுவது நானா?

உன்னைவிட கொடுமைகளை
சந்திப்போர் கோடியென்று
வார்த்தைகளால் ஆறுதல்சொல்லிட
நீவேண்டுவது நானா?

சோகமெல்லாம் மாறிப்போகும்
நடப்பதை எதிர்கொள்ளென
விரல்பிடித்து சொல்லிநடந்திட
நீவேண்டுவது நானா?

என்னைபோல் உனக்கு
எத்தனையோ நட்பிருந்தும்
அதுநானாக முடியாதென
நீவேண்டுவது நானா?

அன்பின் பரிமாணம்...

2012-01-23T04:29:00.000-05:00

நாட்களை பொழுதுகளாக வகைபடுத்தி
சொன்னார்கள் முன்னோர்...
அன்பினை பொழுதுகளாக பிரித்தெடுத்து
சொல்லமுடிந்தது உன்னால்..

வேண்டும் என்றால் நெருங்கி
பழகும் தருணம்!
வேண்டாம் என்றால் விலகி
செல்லும் தருணமென்று...

அன்பினை பொழுதாக பிரித்தலில்
துளியும் வருத்தம் இல்லை...
மனதுக்குள் மகிழ்ச்சி வெள்ளம்தான்
ஏனெனில்
உள்ளம் கொண்ட அன்பினை
வெறும் பொழுதுபோக்கு தானென்று
சொல்லாமல் இருந்த வரையிலும்...

உன் வருகைக்காக...

2012-01-06T10:21:00.004-05:00

நான் குறிப்பெடுக்கும்
வெள்ளை காகிதமும்
என் நூல்குறிப்புகளின்
அச்சிட்ட காகிதமும்

எதை பார்த்தாலும்
எதை படித்தாலும்
எனக்குள் வரிகளாக
உன்னை ஞாபகபடுத்துகிறதே...

எத்தனையோ எழுத
எத்தனிக்கிறேன்...
எழுத முடியாமல்
தத்தளிக்கிறேன்...

உந்தன் பார்வை
ஒன்று கிடைக்காதா?
கவியென்று பலஎழுதிட
வாய்ப்பு கிடைக்காதா?
ஏங்கி தவிக்கிறேன் - உந்தன்
சந்திப்பிற்காக காத்திருக்கிறேன்...

அவளோடு நான்....

2012-01-04T09:38:00.002-05:00

உதட்டுக்கும் தொண்டைக்கும்
இடையில் சிக்கிதவிக்கும்
நாழிகையை போல்
எந்தன் மனது....

வானமே பூமிக்கு
இறங்கி வந்ததோ?
நிலவின் காதலனாய்
என்னை காண்பதற்கு...

வானத்தை சேலையாக
கட்டிவந்த சிலையே
ஆனந்தத்தை சோலையாக
கூட்டிவந்த மாலையே...

வானத்தில் நொடியில்
தோன்றி மறையும்
மின்னலாய் அல்லாது

என்றும் பிரியாது
சேர்ந்தே இருக்கும்
அன்றில் பறவையாய்

என்கூடவே நடக்கும்
காண்பவரை மயக்கும்
அன்னமாய் வந்தாய்...

விண்ணில் தோன்றும்
மின்னல் எப்படியோ
மண்ணில் தோன்றியது
என்னோடு கலப்பதற்கு

கண்ணில் மட்டுமே
காணகூடிய மின்னலே!
நானோ.. இன்று
உன்னுடனே பயணிக்கிறேன்..

ஆவலோடு கைபிடித்தேன்
ஆனந்ததோடு கட்டியணைத்தேன்
ஆதரவாய் தோள்சாய்ந்தேன்
ஆசையாய் இடைகிள்ளினேன்...

மோகத்தோடு முத்தமிட்டேன்
மனத்தோடு ஒன்றிணைந்தேன்
தாகத்தோடு விட்டுபிரிந்தேன்
ஏக்கத்தோடு காத்திருக்கிறேன்...

இறங்கிதானே நடந்தேன்
மாடிபடியில் உன்னோடு
கிறங்கி போனதனாலோ
மேலேறிகொண்டு உன்மையலில்

சொக்கிபோன உன்னழகில்
சொர்க்கத்தின் படியைகாணவோ
கண்மூடி காற்றில்
உன்னோடு பறந்துகொண்டு...

மொபைல் சிணுங்கல்...

2012-01-02T03:21:00.000-05:00

பெண்ணே!
இதுவரை அவன் தலையணைக்கு
அருகில் உறங்கிவந்த நான்
இப்பொழுது மஞ்சத்தில் அவன்
நெஞ்சத்தின் மீது பள்ளிக்கொண்டு...
எல்லாம் உன்னால்!!! உன்வருகையால்!!!
உன்னோடு போட்டிபோடும் எண்ணம்
எனக்குள் துளியும் இல்லை...
ஆனால் பொறாமையாக பெருமையுடன்
அவனின் அரவணைப்பில் இதமாக - எல்லாம்
நீயாக நீவரும்வரை நான்...

2011-12-31T06:12:00.000-05:00

பிறக்கும் புது வருடம் எங்கள் இருவருக்கும் வாழ்வில் மகிழ்ச்சியானதாக அமைவது போல் உங்கள் அனைவருக்கும் மகிழ்ச்சியானதாக, நீங்கள் நினைக்கும் வண்ணம் அமைய இறைவனிடம் வேண்டி வாழ்த்துகிறேன்…

அன்புடன்,
மம்தா & வாசன்

சொல்லும் மலரும்...

2011-12-28T07:44:00.000-05:00

பெண்ணே!
சூரியனை கண்டும்
நிலவினை கண்டும்
மொட்டு ஒன்று
மலராய் மலர்வதில்
பெரிதும் வியப்பில்லை....
ஆனால்
உந்தன் ஒரேயொரு
ஒற்றை சொல்லில்
பலபூக்கள் பூக்கின்றன
என்னுள் கவிதையாக...
ஒவ்வொரு சிந்திப்பிலும்
இதழ்கள்கூட பூக்களாய் - உருமாறி
வியக்க வைத்துக்கொண்டு.

அமாவாசையும்... பெளர்ணமியும்...

2011-12-14T09:30:00.000-05:00

யாரும் என்னைவிட்டு பிரிந்து
செல்லவுமில்ல்லை...
வாழ்க்கையில் எனக்கு காதல்
தோல்வியுமில்லை....
ஆனாலும் ஏனோ தேய்ந்து
போகிறேன்...
ஒருநாள் ஏனென்று புரியாது
மறைகிறேன்...

யாரும் என்னை உற்சாகமாக
ஆதரிக்கவுமில்லை...
எதன்மீதும் எனக்கு துளியும்
ஆசையுமில்லை...
இருந்தாலும் வானில்மெல்ல முழுதாக
வளர்கிறேன்...
பிறர் ரசிக்கும்வகையில் பிரகாசமாக
உதிக்கிறேன்...

அவளின் நிர்வாணமும்... அந்த நீலவானமும்... (2)

2011-12-06T08:06:00.001-05:00

உடை!!! ஆபரணம்!!! அங்கம்!!!

எண்ணம் என்றுபல வனப்புகள்

ததும்பிய எந்தன்உயிர் கனவே

நீயும்தான் எனக்கு விருந்தாய்....

மேனியில் இவையாவும் ஒன்றுசேர

பலகோலங்கள் பூண்டும் என்னையும்

என்கைகளையும் கட்டியும் போடுகின்றாய்

எண்ணங்களை மட்டும்பறக்க செய்கிறாய்...

பலவண்ணமும் பலவடிவமும் கொண்ட

மேகம்போல உன்னாடைகள் ஒவ்வொன்றும்

புதுவர்ணமும் புதுஉருவமும் கொடுத்து

புத்துணர்ச்சியை எனக்கு தந்துக்கொண்டு...

வெவ்வேறு அளவும் வெவ்வேறு

தன்மையும் கொண்டு மின்னும்

நட்சத்திரமாய் உந்தன் ஆபரணங்கள்

மகிழ்ச்சியை எனக்கு கொடுத்துக்கொண்டு...

கண்கவரும் உடையும் ஜொலிக்கும்

தங்கநகையும் கனிமறைக்கும் இலைபோல்

அங்கத்தை மூடிமறைத்தாலும் மனத்துக்குள்

உணர்ச்சிகளை மெல்லபொங்க செய்துக்கொண்டு....

உங்கள் வாழ்த்தினை வேண்டி....

2011-12-02T04:54:00.000-05:00

அன்புள்ள அனைத்து பதிவுலக நண்பர்களுக்கும் / உறவுகளுக்கும்,

உங்களுடன் ஒரு மகிழ்ச்சியான செய்தியை பகிர்ந்துக்கொள்வதில் ஆனந்தமடைகிறேன்...

எனக்கும், பெங்களூரை சேர்ந்த மம்தா என்கிற பெண்ணுக்கும் விரைவில் திருமணம் செய்ய, வருகின்ற டிசம்பர் 4ம் தேதி ஞாயிற்றுகிழமை, காலை 11 மணி அளவில் பெங்களூரில் பெரியோர்களால் நிச்சயிக்கப்படுகிறது.... உங்கள் அனைவரின் அன்பான வாழ்த்தையும் மற்றும் ஆசிர்வாதத்தையும் வேண்டி என்றென்றும் நான்......

(தனிப்பட்ட முறையில் யாரையும் அழைக்கவில்லை என்று வருத்தம் வேண்டாம்.. திருமணத்திற்கு அனைவரையும் கண்டிப்பாக அழைக்கிறேன்... இது எளிமையான முறையில் பெண் வீட்டில் நடைபெறுவதால் உங்கள் அனைவரையும் அழைக்கமுடியவில்லை என்னால்...)

Dear Friends,

I am so happy to share my feel................

My Engagement is fixed on 04-12-2011 at 11.00AM in Bangalore.....

வாழ்க்கை...

2011-11-29T11:11:00.000-05:00

வாழ்க்கை ஒரு வியப்புகுறிதான்!
வியப்புகுறி போல்பலர் நிமிர்ந்து
நிற்க ஆசையில் முற்படுகிறார்கள்
ஆனால்
வினாகுறி போல்சிலர் குனிந்து - ஏனோ
நிற்க முடியாமல் வளைகிறார்கள்???

வாழ்க்கையில்,
ஒரேயொரு வியப்புகுறி வருகிறது
ஆனால்...
பல வினாகுறிகள் ஒன்றன்பின்
ஒன்றாய் தொற்றி உடன்வந்து - மனதில்
குழப்பத்தை மட்டும் பாவிக்கின்றது...

வினாக்களை கண்டு தொ(கு)லைந்துபோகாமல்
வியக்கும் வகையில் உயர்த்திக்கொள்ள
விருவிருப்பாக வாழ்க்கையென்னும் ஓடுகளத்தில் - பலரும்
விரைந்துசெல்ல ஆயுத்தபடுத்திக்கொண்டு அதில்நானும்...

அவளின் நிர்வாணமும்... அந்த நீலவானமும்... (1)

2011-11-22T05:29:00.000-05:00

விண்ணில் இருக்கும் வானம்

பார்த்து கண் மயங்காதோர்?

மண்ணில் உண்டெனில் ஆச்சர்யம்தான்!!!

வஞ்சி உன்னை கண்டும்

நெஞ்சம் வாடோதோர் இங்கே

மண்ணில் உண்டெனில் ஆச்சர்யம்தான்!!!

வஞ்சியும் வானமும் கிட்டதட்ட

ஒன்றென கூட சொல்லலாம்!

மேகம்!!! நட்சத்திரம்!!! நிலவு!!!

வண்ணங்கள் என்றுபல விந்தைகள்

நிறைந்த எந்தன் இரவுவானமே

உனக்கும் அவள்தான் போட்டி...

வானில் இவைகளை கொண்டும்

பலஜாலங்கள் செய்தும் என்னையும்

என்கண்களையும் கட்டியும் போடுகின்றாய்

பார்ப்பவர்களையும் வியக்க வைக்கிறாய்...

மேகம் மூடாத வானம்

நட்சத்திரம் நிறையாத வானம்

நிலவு இல்லாத வானம்

வண்ணங்கள் நிரம்பாத வானம்

இப்படி பலநிலைகள் இருந்தாலும்

எப்படியும் காணும் கண்களுக்கு

நீலவானமாய் ரசிக்க தெரிவதுபோல

அவளும் உனக்கு போட்டியாய்....

அவள் யாரும் இல்லை

எந்தன் காதல் தேவதைதான்

தொலைத்தூரத்தில் நீயிருந்து என்னை

மயக்கி சொக்க வைக்கிறாய்...

அவளோ நான் கண்மூட

என்முன் வந்து செல்கிறாள்...

மீண்டு(ம்) உயிர்வாழ்வேன்....

2011-11-18T05:18:00.000-05:00

என் இதயத்தின் ஓரத்தில்

ஒரு மூளையில் உனக்கெனவும்

சிறு இடம் ஒதுக்கிவைக்கிறேன்

என்னை விட்டு நீயும்

சென்ற பின்னும் அப்பகுதியை

வெட்டி எறிந்தும் உயிர்வாழ

என்னை நானே மீண்டும்

எனக்குள் ஆயுத்த படுத்திக்கொள்கிறேன்.

எப்படி உணர்த்துவாயோ?...

2011-11-17T04:40:00.000-05:00

எந்தன் உதடுகள்

கொடுக்கும் சத்தத்தை

வாங்கி முத்தமாக

கொடுக்க தெரிந்த

அலைபேசியே!!!

கண்கள் சிந்தும்

கண்ணீர் துளிகளை

எப்படி உணர்த்துவாயோ?

சொல்லிழந்து...

2011-11-16T02:43:00.000-05:00

உந்தன் அபிப்பிராயம்
என்னவென்று கேட்டாய்?
பேசும் திறனிருந்தும்
பேசாமுடியா ஊமையாய்
உந்தன் முன்னால்
என்னுடைய நிலைமை
இதுவென்று சொல்லமுடியாமல்!!!
இனிப்புக்குள் சிக்கி
வெளிவரும் எறும்பாய்
நீருக்குள் விழுந்து
கரைசேரும் எறும்பாய்
பேசும் மொழியற்று
பயம்கூடிய உணர்வுடன் - எதிர்கால
வாழ்க்கையை நோக்கி நான்...

என் நிழலும்... நிலவும்... நீயே...

2011-11-15T00:23:00.000-05:00

யார் அறியக்கூடும்?
என்னை எனக்கு பிடிக்கவில்லை

காரணம் நான் அறியேன்

ஆனால்!

எந்தன் நிழலையோ எனக்கு

மிகவும் பிடித்து இருக்கிறது

ஏனெனில்?

என்னையே எனக்கு அழகாய்

எந்தன் கண்களுக்குள் காட்டுகிறது...

காரணம்?

நிழலின் உருவத்திலும் நீதான்

நிழல்தந்த முழுமதியும் நீதான்...

உன்னை நினைப்பதுமட்டும்...

2011-11-14T05:16:00.000-05:00

உடலெல்லாம் சுட்டும் கொள்(ல்)கிறேன்

சுட்ட இடமெல்லாம் புண்ணாகி

வடுக்கள் மட்டுமே நிறைந்திருக்கிறது

உன்னை நினைப்பதுமட்டும் குறையவில்லை

பசித்தும் பட்டினியாய் கிடக்கிறேன்

சாப்பிடாமல் குடலெல்லாம் அரித்து

வயிறு மட்டுமே வலிக்கிறது

உன்னை நினைப்பதுமட்டும் சலிக்கவில்லை

உன்னைமறக்க மதுவை குடிக்கிறேன்

குடித்துவிட்டு வாந்தியும் எடுக்கிறேன்

இரத்தம் வருவதுகூட நின்றுபோகிறது

உன்னை நினைப்பதுமட்டும் நிற்கவில்லை...

போதை பொருளையும் எடுக்கிறேன்

எங்கோ ஆகாயத்தில் பறக்கிறேன்

மயக்கத்தில் என்னைகூட மறந்துபோகிறது

உன்னை நினைப்பதுமட்டும் மறக்கவில்லை...

பார்வை பார்ப்பதுயாவும் நீயாகிறாய்

கண்ணை பிய்த்துஎறிய நினைக்கிறேன்

உள்ளமும் உணர்வுமாய் என்னுள் - உயிராகினாய்

அதைமட்டும் விடமுடியாமல் தவிக்கிறேன்....

தோழியே உன்னோடு நான்...

2011-11-12T02:34:00.001-05:00

அன்பே....

மரங்கள் நிறைந்த
அடர்ந்த சுந்தரவனம்
யாருமே இல்லாத
தனிமையான பாதை

பூக்கள் நிறைந்த
அழகிய நந்தவனம்
ஒருபாதத்திற்கு மறுபாதம்
மட்டும் துணையாய்...

இராமாயணத்தில் வரும்
ஒர் அசோகவனமாய்
இதுபோன்று கண்டிட
நீகேட்கும் இந்தஇடம்

அங்கே..........

நடந்து காலும்
வலிக்கும் வரை
உந்தன் நடைபயணம்
இனிதாய் தொடரட்டும்

கேட்டு மனம்
மயங்கும் வரை
இன்னிசை பாடல்
இன்பமாய் ஒலிக்கட்டும்

அழுது நெஞ்சம்
அடங்கும் வரை
உரக்க கதறல்
இயல்பாய் இருக்கட்டும்

உடல் சோர்வும்
நீங்கும் வரை
அமர்ந்து கண்மூடி
இதமாய் இளைபாறட்டும்.

சட்டென்று மழை
உன்மீது கொட்டட்டும்
கண்ணீரின் தடயங்கள்
அதனோடு மறையட்டும்

பனிமூட்டம் உன்னை
மேகமாய் சூழலட்டும்
உன்சோகங்கள் யாவும்
அதனில் மறத்துபோகட்டும்

ஆனால்.....

இவையாவும் நிகழும் சமயம்
உந்தன் அருகினில் ஆறுதலாய்
இல்லாமல் நான் போகலாம்
உந்தன் மன விருப்பத்தால்...

நீசென்ற பாதையும் நானே!
நீமகிழ்ந்த பாடலும் நானே!
நீசிந்திய கண்ணீரும் நானே!
நீயெடுத்த ஓய்வும் நானே!!

நீநனைந்த துளியும் நானே!
நீசிலிர்த்த குளிரும் நானே!
நீரசிக்கும் வார்த்தையும் நானே!
உன்னோடு என்றென்றும் நானே!!

மகாபாரதத்தில் வரும்
ஓர் பிருந்தாவனமாய்
உன்வாழ்க்கை மாயையாய் - விரைவில்
நீசிறக்க மாறட்டும்...

அன்பும் அடங்கி போனது...

2011-11-07T09:49:00.000-05:00

அன்பிற்கும் உண்டோ
அடைக்கும் தாழ்
அன்பினை அடைத்துதான்
வைத்திருக்கிறேன் உள்ளே...

அன்பே உன்னைநான்
என்னிதயத்தில் அடைத்தேன்
நீகொடுத்த சிலப்பொருட்களை
என்வீட்டு வரவேற்புஅறையின்
கண்ணாடிக்கூண்டிற்குள் நித்தம்
கண்டிட அடுக்கியும்வைத்தேன்
நீவழங்கிய சிலப்பொருட்களை
என்னோட அறையின்
இரும்பு அலமாரிக்குள் - யாருக்கும்
தெரியகூடாதென ஒழித்தும்வைத்தேன்..

நீயா..? நானா..?

2011-11-05T03:25:00.004-04:00

தம்பிக்கும் அண்ணனுக்கும் சண்டை
தந்தைக்கு கொள்ளி வைப்பதில்...
சொத்தை பங்குபோட்டு கொள்வதற்கல்ல
சிறுவயதில் பொதுவாக உண்டாகும்
முக்கியத்துவம் யாருக்கு? என்றபோட்டி
யாதும் அறிந்திராத வயதினிலே...

உனக்காக... உன்னோடு...

2011-11-04T06:56:00.002-04:00

உன்னருகில் நான் இருக்கிறேனென்ற
உணர்வில்நீ நெடுந்நேரம் தூங்குவாயென்றால்
உனக்காக இரவில் எந்நாளும்
உறங்காமல் விழித்திருக்க ஆசைதான்...
உன்னுடன் இரவில் மட்டுமல்ல - பகலிலும்
உன்னோடு இருக்கும் சமயமெல்லாம்...

எது முத்தம்?

2011-11-03T07:23:00.002-04:00

உள்ளிருக்கும் அன்பினை
வெளிக்காட்டிட மெல்ல
உதட்டால் கொடுப்பது
மட்டும்தான் முத்தமா?
இல்லை???
உறுப்புகள் ஒன்றோடு
ஒன்று உரசுவதும்
முத்தமா?

கைவிரல்கள் தொடுவதும்
முத்தமோ?
கால்விரல்கள் தீண்டவதும்
முத்தமோ?
விழிகள் ஒன்றையொன்று
உரசாமலே பற்றியெரிவதும்
ஒருவகை முத்தமோ? - இல்லை
சத்தம்வந்தால் தான்முத்தமோ?

மாறமுடியாமல் நான்...

2011-11-02T08:15:00.000-04:00

சன்னலின் முதுகுக்கு பின்னால் இருந்தவள் இன்று
சன்னலை முதுகுக்கு பின்னால் சுமந்து செல்கிறேன்

நிலவுக்கு இணையாக அழகுக்கு ஒப்பிடப்பட்டவள் இன்று
நிலவின் மண்ணிலே அறிவால் மிதந்துநடந்து செல்கிறேன்

வீட்டுவேலைகளை செய்வதற்க்கு என்றே பழக்கப்பட்டவள் இன்று
வீட்டிலிருந்தே வேலைகள் யாவற்றையும் செய்து முடிக்கிறேன்...

உலகிற்கு முகம் தெரியாமல் அடைக்கப்பட்டவள் இன்று
உலகத்தையே தன்னுடைய அறைக்குள் நிலைநிறுத்தி மகிழ்கிறேன்

திரைப்பட பாடல்களில் பூத்தொடுப்பவளாய் வந்தவள் இன்று
திரைப்பட பாடல்களுக்கு பாக்களை தொடுத்து கொடுக்கிறேன்

வாழ்க்கையில் எத்தனையோ முன்னேறிவிட்டேன் ஆனாலும் இன்று
வாழ்க்கைக்கு மற்றொருதுணை தேவையென்பது மட்டும் மாறாமல்...

கணவன் என்மீது அன்பில்லாதவன் என்றாலோ?
கணவன் பிரிந்து சென்றுவிட்டான் என்றாலோ?
கணவன் இறந்து மடிந்துவிட்டான் என்றாலோ? - இந்நிலை
ஒன்றில் இருந்து மட்டும்நான் மாறமுடியாமல்.

மரம்...

2011-10-29T06:54:00.001-04:00

இலையும் கிளையும் இல்லாத மரமும்

சிறகும் இறகுமுள்ள எங்களுக்கு ஆதரவாய் ...

மரம் எரிக்கும்வரை மனிதர்களுக்கு துணையாய் ...

எரித்து கரியானாலும் உதவியாய் சிலநேரம்...

புண்ணியமும்... பாவமும்...

2011-10-28T04:41:00.000-04:00

செய்திட்ட பாவங்கள் யாவும்
தீர்ந்து போகட்டும் என்றோ
தாயவளும் காசிக்கு செல்கிறாள்...

ஒருரூபாய் கூட கைச்செலவுக்கு
கொடுத்து அனுப்பிவைக்க முடியாமல்
பெற்றமகனும் பெரும்பாவியாய் இங்கே...

தீபாவளியும்... நீயும்....

2011-10-27T07:31:00.001-04:00

பட்டாடைக்கும் உன்மேனிக்கும்
மென்மையில் போட்டியோ?
தோற்றுவிட்ட பட்டுக்கு
உன்பெயரையே முடிச்சூட்டியோ?

மறந்துவிட கூடுமென்றோ
விளம்பரமும் நித்தம்
அறிமுகம் செய்துகொண்டே
உன்பெயரை பலமுறை...

என் இனிய தீபாவளி நல்வாழ்த்துகள்... அனைவருக்கும்....

2011-10-25T06:18:00.008-04:00

தீபாவளி பண்டிகை வேண்டாமென சொல்லவில்லை.... கொண்டாட கூடாதென சொல்லிய ஒரு நபருக்கு அளித்த பதில்.. அதுவும் அவருடைய கேள்விக்கு...

// இராவணனைக் கொன்றதற்காக எடுக்கப்படுகின்ற விழா தீபாவளியானால்,

அந்த விழாவினைத் தமிழர் கொண்டாடலாமா?

தமிழனைக் கொன்ற ஆரியனை வணங்கலாமா?

தமிழனுக்குச் சுய உணர்வு எனவொன்று இருக்க வேண்டுமல்லவா?? //

இது எனக்கு ஒரு நண்பர்... தீபாவளி வாழ்த்திற்கு கூறியது... அதன் விளைவாக இதனை எழுதுகிறேன்...

எந்தவொரு மதமும்
எதற்கும் இழிவில்லை
எந்தவொரு மொழியும்
எதற்கும் கீழில்லை
எத்தனையோ வேதாந்தம்
சொல்லும் மனிதா
எல்லாம் வார்த்தைதானோ?

இன்று ஏனோ
இனம் பிரித்து
தமக்குள் பார்க்கின்றாயே?
தமிழ் இனத்தை
சேர்ந்த ஒருவனை(இராவணனை)
கொன்ற செயலுக்கு
ஆரிய இனத்தலைவனுக்கு(இராமனுக்கு)
விழாவா? இதுதேவையா?
தீபாவளி நமக்கில்லையென்று
காவியம் சொல்கிறாய்...
நியாயம் பேசுகிறாய்
இறக்கும் தமிழன்மீது
இருக்கும் தமிழன்மீது
இல்லாத அக்கறை???
இறந்த தமிழன்மீது!!!
வாழ்க நீகொண்டிருக்கும்
தமிழன் மீதான
தன்னிகரற்ற அன்பு...

இருக்கும் தமிழனுக்காக
இறக்கும் தமிழனுக்காக
உரிமைபெற வேண்டுமெனில்
தீபாவளி வேண்டாமென
உரக்கச்சொல் நாடறிய
உன்னோடு நானும்
தோளோடு தோளாக
சேர்கிறேன் ஒன்றாக...

சிந்திப்போம்... செயல்படுவோம்.... செயல்படுத்துவோம்...

வேற்றுமையில் ஒற்றுமை...

2011-10-23T05:21:00.001-04:00

வயிறு பெருத்தது
வாய் குமட்டுகிறது
வாந்தி வருகிறது
மயக்கம் தலைக்கேறுகிறது
தலை சுற்றுகிறது
உலகம் மறை(ற)க்கிறது...

இதுவென் கர்ப்பத்தின்
அறிகுறிகள் மட்டுமல்ல...
எந்தன் கணவனின்
போதை நிலையும்...

ஏக்கம்... (மணமாகாத பெண்ணின்)

2011-10-20T08:25:00.001-04:00

பெற்றோர் எனக்காக வைத்திட்ட
பெயர் ஒன்றுமட்டுமே வாழ்வில்...

என்னை அழைக்க நானே
எனக்குள் இட்டுக்கொள்வது எத்தனையோ?

இந்நாள்வரை அதிலெதுவுமே நிரந்தரமாய்
இல்லாமல் எல்லாமே கா(ல)த்தோடு...

மணமகன் ஒவ்வொருவரின் ஜாதகம்
மனைக்கு வரும்போதும் மாறிக்கொண்டே...

அவனுடைய பெயருக்கு பின்னால் - சேர்த்து
இவளுடைய பெயரை எண்ணிக்கொண்டே...

பெண்ணாகிய நான்...

2011-10-18T01:30:00.001-04:00

பழகிபோன வாழ்க்கையாய் ஆகிவிட்டதால்
பலநேரம் அதற்குள் என்னை
பதுக்கிகொள்ள ஆரம்பித்து விட்டேன் - மகிழ்ச்சியாய்
பட்டாம்பூச்சியென பறக்க முடியாவிட்டாலும்...

புளித்துவிட்டது வாழ்க்கை போதுமென
பாகம்பேசி அதனிலிருந்து என்னால்
வில(க்)கிகொள்ள முடியாமலும் தவிக்கிறேன் - போராட்டமாய்
பட்டுபுழுபோல் நெளிந்துக்கொண்டே என்நாட்கள்

பிறப்பதற்கு முன்பே என்விதி
அப்போதே தெரிந்திருந்தால் ஒருவேளை
கர்ப்பத்தில் நானே கரைந்திருப்பேன் - கரைக்கும்
வைரமுத்துவின் வைரவரிகளை போன்று...

மணப்பதற்கு முன்னாவது என்விதி
நான் அறிந்திருந்தால் ஒருவேளை
உந்தன் கர்ப்பத்தையாவது சுமக்காமல் - கரையாமல்
எந்தன் காலத்தை தள்ளியிருப்பேன்...

வாழ்வில் உண்டாகிய இக்கதி
இறைவன் செய்திட்ட சதியோ?
எனக்கும் எழுதபடாத விதியோ? - என்னவோ?
மதியிருந்தும் மிதிபடுகிறேன் வழியில்லாமல்...

ஒதுக்கவில்லை.... ஒதுங்கிகொள்கிறேன்...

2011-10-14T03:17:00.000-04:00

தோழியே!

உலகத்தில் எங்கோ வசித்தாலும்
உன்னாலும் நான் வாழ்கிறேன்
நீசொல்லி கேட்டிட ஆசைதான்...

ஆனால்

உன்னால் தான் அழுகிறேனென்று
நீமட்டுமல்ல இனியார் சொல்லியும்
கேட்கவே கூடாதென நினைக்கிறேன்...

அதனால்...

எனக்காகவும் நீ அழவேண்டாம்...
என்னாலும் நீ அழவேண்டாம்..
எந்நாளும் நீ அழவேண்டாம்...

அறியாமல்...

2011-10-13T03:19:00.000-04:00

கடல்நீர் எடுத்து சிலையெடுத்தால்
காற்றில் அவன் ஆவியாகி
காணும் சிற்பமாய் உப்பாய்
கையில் இருக்ககூடும் உன்னோடு...

கண்ணீர் எடுத்து சிறுபுள்ளியாய்
கதை எழுத தொடங்குகிறாய்...
கறிக்கு உதவாத ஏட்டுசுரக்காயாக - இருப்பினும்
காலம் உன்துணை இருக்கட்டும்...

இது தான்..

2011-10-11T01:53:00.000-04:00

நான் சொல்வதற்கும்
நீ செய்வதற்கும்
உள்ள வித்தியாசம்...
நான் ஆண்
நீ பெண்
என்பதுபோல் நமக்குள்...

அலைபேசியின் - கோபமோ? நாணமோ?

2011-10-10T09:27:00.000-04:00

அன்பே!
என்னருகினில் இல்லாமல்
தொலைவிலிருந்து என்னோடு
நீபேசும் காதல்மொழி
அத்தனையும் ரகசியமாய்
கேட்டு மகிழ்ந்தவன்...

என்னருகில் இன்றுநீ
நாசிக்குள் நுழைய
முற்படும் தூசியாய்
புல்லாங்குழல் எழுப்பும்
இன்னிசை கீதமாய்...

காதோடு எந்தன் பெயரினை
கனிவோடு செவ்விதழில் நீயழைக்க
அதனைக்கேளாது கோபம் கொண்டோ?
அதனைக்கேட்டு நாணம் கொண்டோ
தன்னுயிரை தானே மாய்த்துக்கொண்டு.

மாற்றம்.

2011-10-09T09:22:00.001-04:00

ஒருவரிடம் சகஜமாக பேசுவதுபோல்
அனைவரிடமும் பேசாதே என்றேன்..

அவளு(னு)ம் தன்னை மாற்றிக்கொண்டாள்(ன்)
மிக்க மகிழ்ச்சிதான் எனக்கு...

அவள்(ன்) வாழ்வில் மாற்றிக்கொண்டது
முற்றிலும் என்னிடம் பேசுவதையே...

நீ!!!

2011-10-08T10:50:00.001-04:00

பசுமை நிறைந்த வயல்வெளியில்
கருந்தோகை விரித்த வண்ணமயில்...

பசுமை நிறைந்த சோலைக்குள்
சேலை கட்டிவந்த சொர்ணசிலை...

பசுமை நிறைந்த தோட்டத்திற்குள்
பூக்கள் சூடிவந்த தொங்கும்தோட்டம்...

பசுமை நிறைந்த மண்ணிற்கு
தண்ணீர் பாய்ச்சவந்த ம(க)ங்கை...

பசுமை நிறைய மனதிற்கு
மயக்கம்தர பூமிக்குவந்த முழுமதி...

உன்னால் என்பெயரும் கவிதைதான்...

2011-10-07T01:54:00.000-04:00

உந்தன் பார்வையிலோ

உனக்கு என்றோ

ஓராயிரம் கவிதை

எழுத முடியாமல்போனாலும்

ஓராயிரம்முறை எழுதுகிறேன் - சிந்திக்காமல்

என்பெயரினை கவிதையென...

கடலில் பிறக்கும்

ஒவ்வொரு அலையும்

புதுவடிவத்துடன் இருப்பதுபோல்
ஒருவார்த்தை என்றாலும்

நீயழைக்கும் ஒவ்வொருமுறையும் - உன்னால்

கவிதையாகிறது என்பெயர்...

எனக்குள்...

2011-10-06T03:25:00.002-04:00

சின்ன சின்ன ஆசைகள்
என்று ஒன்றொன்றாய் சொல்லி
கொண்டே போக போக
பெருகி கொண்டே போகிறது...
ஆனால்!
ஒவ்வொன்றிக்கும் ஒரு தொடர்பு
உள்ளுக்குள் புதைந்து இருக்கிறது
என்னவென்று யோசித்து பார்த்தால்
எல்லாவற்றிலும் கலந்திருப்பது நீயே...

பகல்நிலவு...

2011-10-05T13:12:00.000-04:00

விடிந்துவிட்ட வேளைபொழுது

வீட்டின் பின்பக்க

வெண்ணிறசுவர் நீள(ல)வானமாய்

விரிந்திருக்க அதில்

குட்டிநிலவாக மஞ்சள்நிறத்தில்

கண்ணுக்கு அழகியகாட்சியாய்

வாகன கண்ணாடியிலிருந்து

சூரியஒளியின் பிரதிபலிப்பு...

காணும் பொருள் யாவும்

எந்தன் மனதுக்குள் இருக்கும்

உந்தன் முகத்தை தோன்றுவிக்க

அப்பிம்பத்திலும் உயிராகவே நீயெனக்கு...

நித்தம்...

2011-10-04T07:13:00.003-04:00

கைவிரல்களையும் கைகளையும்
மடக்கும்போது நமக்குள்
உண்டாகும் வீரியம்...
கைகளை விரித்தால்
காணாமல் போவதுபோல்
நீயருகினில் இருந்தபோது
பலத்துடன் இருந்தேன்...
நீயில்லாத இப்பொழுது
இருந்ததை எண்ணிபார்த்து
பலவீனமாய் போகிறேன்...

புரியாமல் நான்...

2011-10-02T04:32:00.000-04:00

குருதி பாயாத
கருவிழி வழியே
மெல்ல நுழைந்தாய்...
பின்பு அங்கிருந்து
உதிரம் பாயும்
உறுப்புகளிலெல்லாம் கலந்தாய்...
உயிரற்று போக
உறைந்து போகும்
இரத்தம் போல...
இரக்கமற்று என்னைவிட்டு
ஏனோ பிரிந்து - செல்கிறாய்
என்கருவிழியை விட்டும்...

நினைவுப்பரிசு...

2011-09-30T15:03:00.001-04:00

நீகொடுத்த முத்தம்கூட மனத்துக்குள் வலிக்கிறது
நீஉச்சி முகர்ந்து அன்று கொடுத்ததை - இன்று
நினைத்து கண்மூடி எண்ணி பார்க்கையில்...

மலர்... மங்கை... முத்தம்...

2011-09-27T01:33:00.002-04:00

கண்ணா!

மலர்ந்து வாடிய மலர்களின்
பூவிதழிலும் (சு)வாசம் பிறக்கின்றது...

மங்கை எந்தன் வறண்ட
செவ்விதழிலும் ரசம் சுரக்கின்றது...

மன்னன் உந்தன் இதழ்கள் - எங்கள்மீது
முத்தம் பதித்த(ப்ப)தை நினைக்கையில்...

நிழலும்... சுகம் சுகமே...

2011-09-26T03:04:00.000-04:00

யாருமற்ற பாதை
நிழற்குடையில்லா நிறுத்தம்
பேருந்துக்கான காத்திருப்பு
கொளுத்தும் வெயில்..

என்னருகில் அவள் நின்றிருக்க
எனக்குள் சுமக்க நினைத்தேன்
என்கனவும் கற்பனையும் நிஜமானது
என்நிழலில் அவள் நின்றநொடியில்...

வார்த்தை விளையாட்டு

2011-09-25T08:23:00.000-04:00

உனக்குள்ளும் நான்
அவளது சொல்...

எனக்குள் நீமட்டும்
இவனது சொல்...

இதயத்தின் வலி
அவளுக்கு புரியவில்லை...

என்னுள் நீமட்டுமில்லை
நீயும் ஒருவளாக
அவனது மறுசொல் - கண்ணீர்
அவளது கண்களில்.

உண்மையாய் எதுவாகினும்...

2011-09-22T10:15:00.000-04:00

இழப்பின் வேதனை
இழந்தவர்களால் மட்டுமே
என்றும் உணரமுடியும்...
ஒருவேளை உன்னாலும்
வாழ்வில் உணரகூடும் - அவர்கள்
இழந்த(ப்ப)து உன்னையென்றால்...

என்னுள் நீ...

2011-09-09T11:25:00.001-04:00

எழுதும் காகிதமாய் நான் (என் சிந்தை)

எனையெரிக்கும் தீயாய் நீ (என் கற்பனை)

எரியும் பொருளாய் நான் (என் வார்த்தை)

எரிந்த சாம்பலாய் நீ (என் கவிதை)

முரண்

2011-09-07T09:46:00.000-04:00

உண்மையை சொல்லி உள்ள(த்)தை
சொல்பவன் ஏமாற்றுகாரன் ஆகின்றான்..

பொய்யை பேசி உல(அ)கத்தை
ஆள்பவன் ந(வ)ல்லவன் ஆகின்றான்...

சு(சோ)கம்...

2011-09-02T11:56:00.000-04:00

சாதரணமாய் பேசும்போது
உதாரணமாய் சொல்லிய
கணநேர வார்த்தைகள்கூட
காரணமாய் ஆகிவிடுகின்றது - உன்மனம்
(தோ)ரணமாய் மாறுவதற்கு...

கனவா? கற்பனையா?

2011-09-01T11:00:00.000-04:00

ஆசைதீர கட்டியணைத்து தழுவுகிறேன்
அகம்மகிழ்ந்து போதுமென நினைத்து
கைகளை விடுவிக்கும் தருணம் - மீண்டும்
தீராத வாஞ்சையாக கட்டியணைக்கிறேன்...

உன்னை நான் கட்டியணைப்பது
கனவு என்பதனாலா?
இல்லை...
நான் எழுதுவதுபோல் எல்லாம்
கற்பனை என்பதனாலா?

இருப்பினும் நான்...

2011-08-31T11:47:00.001-04:00

கற்பாறையில் உருகும் வெண்ணையாய் நீ
கண்பார்த்து துடிக்கும் உள்ளத்தோடு நான்
நான் கை இல்லாதவனும் அல்ல
நான் வாய் இல்லாதவனும் அல்ல - இருப்பினும்
உன்னை காக்க முடியாமல்...

கதவுக்கு பின்னால் நீ
கனவுக்கு பின்னால் நான்
நான் கவிஞனும் அல்ல
நான் கலைஞனும் அல்ல - இருப்பினும்
உன்னை சிந்தித்துக்கொண்டே...

காட்சிக்கு அப்பாற்பட்டு நீ
காதல் வயப்பட்டு நான்
நான் கதாநாயகனும் அல்ல
நான் கதாயாசிரியனும் அல்ல - இருப்பினும்
உன்னை எண்ணிக்கொண்டே...

காதல்பேசும் மனதோடு நீ
காமம்கொண்ட உணர்வோடு நானா?
நான் இராமனும் அல்ல
நான் இராவணனும் அல்ல - இருப்பினும்
உன்னை நினைத்துக்கொண்டே என்றென்றும்...

வாழ்த்துகள்....

2011-08-30T11:11:00.003-04:00

நண்பா!!!
பள்ளிமுதல் இந்தநாள் வரையிலும்
பிரம்மாச்சாரி என்னும் கூட்டணியில்
என்னோடு இத்தனை காலம்
உறவாக நட்போடு வந்தவனே...

கிருஷ்ணா!
இன்று வேறுகூட்டணிக்கு
மாறிவிட இருக்கின்றாய்
உனக்கென பிறந்ததுணையோடு - விரைவில்
இணையாக இம்மண்ணுலகில் வலம்வர...

இறைவா!
இருவரும் வளமோடு வாழ்ந்திட
இவ்வுலகில் சிறந்து விளங்கிட
இதயபூர்வமாய் வேண்டுகிறேன் வாழ்த்துகிறேன்....

(வருகின்ற செப்டம்பர் 11ம் தேதி திருமண நிச்சயதார்த்த விழா இனிதே நடைபெறவிருக்கும் தோழன் கிருஷ்ணாஜி ராவிற்கு என் மனமார்ந்த நல்வாழ்த்துகள்...)

எண்ணும்... எழுத்தும்...

2011-08-27T06:47:00.000-04:00

இலக்கங்களின் வழியே
இலக்கியம் பேசவைத்தாயே...

தமிழின் எழுத்துகளுக்கு
உச்சரிக்க மாத்திரை
அளவுவினை சொல்வதுபோல்...

எண்களுக்கும் உன்னுதட்டில்
உயிர்கொடுத்து உச்சரித்து - எந்தன்
நித்திரையை வீணடித்தாயே.

பூவே உன் வாசம்.... வாசமே என் சுவாசம்...

2011-08-26T06:18:00.000-04:00

வாடிய பின்பும்
வாசம்வீசும் மலராய்
விலகி சென்றபின்பும்
விரும்பி நிற்கிறேன்...

மலர்ந்து மயக்கிய மலர்களின்
இதழ்களும் காகிதமாய் மாறியது
வண்ணங்களும் உன்னை ஞாபகபடுத்த
அதனிலும் உன்பெயரை என்னிதழ்களால்
முத்தமிட்டு எழுதி ரசிக்கின்றேன் - உன்னால்
வாசமும் எந்தன் சுவாசமாகின்றது...

என்னருகிலோ என்னுடனோ
நீயில்லை என்றபோதும்
உயிர்வாழ்கிறேன் நொடிநொடியும்
உந்தன் நினைவுகளோடு...

அழகிய பாடம்

2011-08-25T11:01:00.000-04:00

பொங்கும் அலைபோல் ஓடி வந்தாய்
வற்றாத கடல்போல் ஆசைகள் தந்தாய்
எங்கிருந்தோ என்னில் வந்து கலந்தாய்...
ஆனால்!!!

மண்ணில் விழுந்து சிதறி நொடியில்
மறையும் முதல் மழைத்துளி போன்றே
மனதுக்குள் உதிக்கும் அனைத்தையும் நானே - எனக்குள்
மறைத்து உடைத்தெரிந்து வாழவும் கற்றுக்கொடுத்தாய்...

ஆசைகள்.........

2011-08-24T09:59:00.002-04:00

நான்
புத்தனா?
பித்தனா?

அடைய முடியாமல்
குழப்பங்களாய் கொண்டு
பித்தனாய் அலைகிறேன்...

அடைய முடியாதென்று
ஆராய்ந்து உணர்ந்து
புத்தனாய் பிறக்கிறேன்...

ஆனால்!
இறப்புகள் இல்லை
பிறப்புகள் மட்டும் - மீண்டும்
என்னுள் நிகழ்ந்துகொண்டே...

மன்னிப்பு...

2011-08-22T07:52:00.000-04:00

உந்தன் கைபிடித்த
முதல்முறையான தீண்டல்
மீண்டும் மீண்டும்
மனதை வருடிக்கொண்டே...
கறைபடிந்த எந்தன்
கைகளால் தீண்டினேன்
என்றோ? செய்ததவறுக்கு
தண்டனையாகவோ என்னவோ?
உன்கையை பிடித்திருக்கவே - ஏனோ
மனம் ஏங்கிகொண்டு...

என்னை அறிவாயோ?

2011-08-22T07:21:00.001-04:00

நீஅனுப்பும்
குறுஞ்செய்தி
எனக்கு பத்தோடு
ஒன்றாக இருக்ககூடும்...

ஆனால்...

நானுனக்கு
அனுப்பும்
குறுஞ்செய்திகள்
எல்லாம் உனக்காக
மட்டுமே இருக்கும்
என்பதை என்றாவது
நீயறியகூடும்...

புகைப்படம்...

2011-08-04T11:44:00.000-04:00

படம் பார்த்து
கதை சொல்கிறது
சிறுகுழந்தை...
உன்படம் பார்த்து
நானும் குழந்தை
ஆகிபோகிறேன்..
கவிதை என்று
ஏதோ கிறுக்கி
உன்னழகில்...

சிறு வேண்டல்...

2011-08-02T12:34:00.004-04:00

கண்ணே!

எந்தன் பேனாவும்

உன்னிடம் சேலையை

கடன் கேட்கிறது...

உன்னை பற்றி

எழுத அதனிடம்

மை தீர்ந்துவிட்டதாம்...

அழகே!

உந்தன் அழகினை

அழகாய் வர்ணிக்க

தடைகள் ஏதுமின்றி

நீயும் அள்ளித்தருவாயோ?

உன் சேலையால்

என்கவிதையை மெருகேற்று

உன் மொழியால்

என்னை பாராட்டு

உன் இதழால்

என்னை சீராட்டு

உன் பார்வையால்

என்னை உயிரூட்டு...

என்கவிதையும் நானும்

உன்னால் வாழ்ந்துபோகிறோம்..

என் தேவனே...

2011-07-22T18:41:00.002-04:00

உன்னைதான் அணைக்கமுடியவில்லை...
உன்னைநான் சுமக்கமுடியவில்லை...

நீசுமக்கும் கல்லினையாவது
நான் அணைத்துக்கொள்கிறேன்...

நான்சுமக்கும் வலிகளைநீக்கிட!!!
என்னைநீயும் அரவணைப்பாயோ?????????

பிறந்தநாள் நல்வாழ்த்துகள்...

2011-07-20T08:53:00.001-04:00

உலகில் எத்தனையோ
பூக்கள் வகையுண்டு...
அதுபோல்
எனக்கும் எவ்வளவோ
நட்பூக்கள் உண்டு

எல்லாமே ஒன்றுக்கொன்று
சற்றே வேறுபட்டு...
அதுபோல
எல்லாருமே ஒருவருக்கொருவர்
ஏதோ வித்தியாசபட்டு

ஒருசில பூக்களுக்கு
மட்டுமே தனிச்சிறப்புண்டு
அதுபோல
ஒருசில உறவுகள்
மட்டுமே கிடைப்பதுண்டு

அப்படியெனக்கு கிடைத்து
இன்று பிறந்தநாள்
கொண்டாடும் என்னுயிர்
தோழி உன்னைநான்
பல்லாண்டு வாழ்கயென
வாழ்த்துவதில் பெருமிதம்கொள்கிறேன்...

இன்று இதுவரை
இருக்கும் இன்பங்கள்
யாவும் பலநூறுபெருகி
கவலைகளெல்லாம் கரைந்தோடி
காணாமல்போக இறைவனை
கண்மூடி வேண்டுகிறேன்...

தோழி செளம்யாவிற்கு என் இனிய பிறந்தநாள் நல்வாழ்த்துகள்...

என்விழிகள் மூடிக்கொண்டு

2011-07-17T14:51:00.000-04:00

படுக்கைக்கு அருகினில்
அலைபேசி வைத்து
தூங்கினால் கூட
உடல்நலத்திற்கு கேடாம்...

அப்படியிருக்க...
படுக்கும்முன் உன்னோடு
மணிகணக்கில் பேசுகிறேன்...
என்னிதயத்தின் மீதே
அலைபேசியை அணைத்து
நித்தம் துயில்கொள்கிறேன்
எப்படி சாத்தியமோ?
நீதராத வெப்பத்தையும்
அலைபேசி தருவதனாலா?
இல்லை..
அலைபேசியின் கதிர்வீச்சும்
அதனில் பதிவுசெய்யபட்ட
உன்குரலும் தாலாட்டாய்
என்னை சேர்வதனாலா?
என்விழிகள் மூடிக்கொண்டு...

பெளர்ணமி நிலவே!!! (2)

2011-07-15T18:16:00.002-04:00

அழகு பெளர்ணமிநிலவே

நீவானத்திற்கு சொந்தம்...

நிரந்தரமாய் உன்னைகாண

நீவரும் வழியில்

நட்சத்திர பட்டாளங்கள்

நித்தம் காத்துகொண்டு...

மேககூட்டங்கள் கண்களைமூடி

உன்பாதம்நோக்கி தவழ்ந்துகொண்டு

உலகத்தின் ஒருமூலையிலிருந்து

மற்றொரு மூலையைநோக்கி

மனிதஉறவுகள் மனம்திறந்து

உன்முகம் பார்த்துரசித்து

வானத்தை ஏறேடுத்து

விழியில்கண்டு வியந்துகொண்டு...

நிலாப்பெண்ணே!

உனக்கும்தான் என்மீது

காதல்ஆசை வந்ததோ?

மண்ணில் தோன்றினாய்

ஆணாய் நிலைமாறினாய்

பட்டாம்பூச்சியாய் பறக்கின்றாய்...

என்னையே வட்டமிடுகின்றாய்.

ஆனால்..

பூவாய் நானும்

முற்றிலும் உருமாறினேன்...

உன்னை எனக்குள்

கவர்ந்து இழுத்தேன்..

என்ன ஓர்வியப்பு

வண்ணத்துபூச்சி மலரில்

தேனை குடிக்கவில்லை..

மலராகிய நானே

உன்னிடம் ருசித்துகொண்டு...

இரயில் பயணத்தில் அவள்.... (4)

2011-07-13T07:41:00.001-04:00

கன்னத்தில் கைவைத்து நீபார்க்கிறாய்
கள்ளமில்லாமல் பிறரோடு பேசுகிறாய்
கணத்தில் என்மீதுவிழும் இந்நிகழ்வில் - நானே
கப்பல் கவிழ்ந்ததுபோல் மூழ்கிபோகிறேன்

கண்ணிற்கும் நெற்றிக்கும் இடையே
வரைப்படத்தில் வரையபடும் நீர்நிலை
வரைகோடுகளாய் இமைகள் பிரித்துகொண்டு - அவையே
உன்னிடம் என்னை இணைத்துகொண்டு...

உந்தன் நொடிபொழுது கண்சிமிட்டலில்
எந்தன் உலகம் இருண்டுபோகிறது...
உந்தன் சிலவினாடி பார்வையில்
எந்தன் இதயம் நின்றுபோகிறது...

உலகமொரு மிகச்சிறிய உருண்டைதான்
உன்முகத்தை பார்த்தபின்பு மீண்டுமறிந்தேன்
எங்கோ அதில்என்னை தொலைத்துவிட்டு
என்னைநான் தேடிக்கொண்டே காணாமல்...

(அவளுடைய நிறுத்தத்தில் அவள் இறங்கி சென்றுவிட நான்மட்டும் அவள் அமர்ந்த இருக்கையை பார்த்துகொண்டே...)

இரயில் பயணத்தில் அவள்.... (3)

2011-07-12T03:34:00.000-04:00

காற்றும் உன்மீது கொண்ட
மோகத்தில் கூந்தல் முடியை
முகத்தில் அலைபாய செய்கிறது...

பறக்கும் ஒற்றைக்குழலை உன்னிரு
விரல்களோ பிடித்து பின்னந்தலைக்குள்
மெல்ல மெல்ல சிறைபிடிக்கின்றது...

என்கண்களோ அதனை மனத்துக்குள்
மின்னலைபோல் தொடர்ந்து படம்பிடித்து
ஒருபுறம் சேமித்து அடைக்கின்றது...

என்கைகளோ உன்னை ஏட்டில்வரைய
கவிதையாய் வர்ணிக்க வார்த்தைகிடங்கில்
மறுபுறம் சேமிப்பின்றி தவிக்கின்றது...

இரயில் பயணத்தில் அவள்.... (2)

2011-07-11T05:48:00.000-04:00

திராட்சை கொடியில்
கொத்து கொத்தாய்தான்
திராட்சை கனிகள்
காய்த்து தொங்கும்...

கண்களென்னும் அகன்ற
விண்ணில் அதிசயமாய்
வானில் மிதக்கும்
ஒற்றைநிலவாய் கருவிழிகள்...

வெள்ளைவானம் கறுப்புநிலா
ஆனாலும் ஒளிர்கின்றது
பகல்பொழுது என்றபோதினும் - நான்
அதனாலும் ரசித்துகொண்டு...

இரயில் பயணத்தில் அவள்.... (1)

2011-07-06T11:06:00.000-04:00

கடலில் பிறக்கும்
ஒவ்வொரு சிப்பிக்குள்ளும்
ஒரேயொரு முத்துதான்
இருக்க இயலும்...

உன்னிதழ் என்னும்
சிப்பியோ ஒவ்வொருமுறை
திறக்கும் போது
எத்தனையோ முத்துகள்...

நிலத்தில் சிந்தவில்லை
ஆனாலும் ஒலிக்கின்றது
கையில் ஏந்தமுடியவில்லை - நான்
அதனாலும் வியந்துகொண்டு...

கனவாய் மறையாத நினைவுகள்...

2011-06-30T11:58:00.001-04:00

இரயில் நிலையம் என்றாலே உந்தன் ஞாபகமே
இரயில் வண்டி பயணமென்றாலும் உந்தன் ஞாபகமே
இருக்கையில் சன்னலோரம் அமர்ந்தாலும் உந்தன் ஞாபகமே
இடமில்லாமல் கதவோரம் நின்றாலும் உந்தன் ஞாபகமே...

இருசக்கர வாகனம் என்றாலும் உந்தன் ஞாபகமே
இருவரும் ஒன்றாக பயணித்ததும் ஞாபகமே
இயற்கையை இருவர் ரசித்ததும் ஞாபகமே
இரவில் இன்னிசை கேட்டாலும் உந்தன் ஞாபகமே...

ஆலய தரிசனம் என்றாலும் உந்தன் ஞாபகமே
ஆலயத்தில் பிரகாரம் வலம்வந்தாலும் உந்தன் ஞாபகமே
ஆண்டவன் அருள் என்றாலும் உந்தன் ஞாபகமே
ஆன்மாவை ஒருநிலை படுத்தினாலும் உந்தன் ஞாபகமே...

அதிகாலை என்றாலும் உந்தன் ஞாபகமே
ஐந்துமணிக்கு எழுந்தாலும் உந்தன் ஞாபகமே
ஆதியை கண்டாலும் உந்தன் ஞாபகமே - எந்தன்
அருகினில் நீயில்லாவிடினும் உந்தன் ஞாபகமே...

ஞாபகங்கள் தொடரும்...

பெளர்ணமி நிலவே!!! (1)

2011-06-25T09:20:00.000-04:00

பெளர்ணமி நிலவே!!!
உன்னை நீயே
எனக்கு அறிமுகம்
செய்கிறாய்...
இன்று விண்ணைநோக்கு
உன்மனதில் இருக்கும்
என்னை காணலாம்
என்கிறாய்...

மொட்டைமாடியில் மதியை
இந்நாள்வரை நின்றுமட்டுமே
ரசித்திட்ட நான்...
முதல்முறையாய் வாழ்வில்
துகில்கொண்டே கண்டிட
எண்ணினேன் நான்...

வானத்து மங்கையே
உனக்கு துணையாக
நீயெனக்கு இணையாக
இருவரும் மகிழ்வோடு
கொஞ்சி மகிழ்ந்திடும்
நினைவுகளோடு நான்...

அரைநிர்வாண கோலமாய்
கைச்சட்டை இல்லாமல்
கையில் ஏடும்பேனாவும்
மனதில் கனவுகளையும்
கொண்டு காதல்புரிய
உன்னை காணவந்தேன்...

வெண்ணிலவே நீயும்
வெட்கம் கொண்டாயோ?
மேகமென்னும் சேலையின்
முந்தானையே எடுத்து
முகத்தினை மூடி
என்னைகாண மறுக்கிறாயே...

பாஞ்சாலியின் மானத்தை
காக்க சேலையை
கொடுத்தவன்...
உன்னுடைய நாணத்தை
மறைக்கவும் முகிலை
அனுப்புகிறானோ?

உனக்கு ஆடையை
வாரிதருவது அந்த
மாயகண்ணனின் லீலையோ?
என்மனத்துக்கு பிடித்த
பரந்தாமனும் இச்செயலால்
பிடிக்காமல் போகிறான்...

நான்... கண்களா? இமையா?

2011-06-23T12:12:00.002-04:00

தோழியே!
உலகத்தை நீபார்க்க
உண்மையான நட்பாய்
உனக்கு ஆயிரம்
கண்கள் இருக்கலாம்...
அதில் நானுனக்கு
வலதுகண்ணோ? இடதுகண்ணோ?
தெரியாது? ஒருவேளை
எத்தனை கண்கள்
இருந்தாலும் அத்தனை
கண்களை காத்திடும்
இமையாகவே எந்நாளும்
இருக்க ஆசைப்படுகிறேன்...

என்னோடு நீ...

2011-06-21T15:11:00.001-04:00

வான்மதியே!!!

என்னுடைய பகல்நேர
பேருந்து பயணங்களிலும்
என்னருகில் அமர்ந்து
எந்தன்தோள் சாய்ந்து
நீயில்லாத வானத்தை
என்னிடம் கண்ணில்காட்டி
காதில் ரகசியம்கூறி - விண்ணை
ரசிக்க சொல்ன்கிறாய்...

நான் நடந்துசெல்லும்
சாலையின் ஓரங்களிலும்
என்ஒற்றை விரல்பிடித்து
என்னோடு நடைபயில்கின்றாய்
சிலசமயம் உன்னிடையை
என்கைகள் வளைத்து
இதமாய் அரவணைத்து - நடக்கும்படி
என்னைநீயே மாற்றுகின்றாய்...

நான் உண்பதற்கு
செல்லும் உணவங்களுக்கு
எனக்கு முன்னால்
போட்டியிட்டு செல்ன்கிறாய்...
உனக்கு பிடித்ததை
எனக்கும்..
எனக்கு பிடித்ததை
உனக்கும்...
கொண்டுவர சொல்லி
அன்போடு உணவையும்
ஊட்டிவிட்டும் ஊட்டிவிட - வார்த்தையில்
சொல்லியும் மகிழ்கின்றாய்...

வான் தொலைவில்
நீயிருக்கும் போதே
இத்தனை மாற்றங்களை
என்னுள் புகுத்துகின்றாய்...
என்னை காண்பதற்கு
ஒருவேளை பூமிக்கு
இறங்கி வந்தால் - என்னவாகி
போவேன் உன்னால்?

அப்படியென்ன பிடிக்காது...?

2011-06-17T17:59:00.000-04:00

எனக்கு பிடிக்காதது
உனக்கு பிடித்திருக்கிறது...
உனக்கு பிடிக்காதது
எனக்கு பிடித்திருக்கிறது...
இருந்தாலும் நமக்குள்
ஒருவரை ஒருவர்
மிகவும் பிடித்திருக்கிறது..
அப்படியென்ன பிடிக்காதது...?
என்னை எனக்கு
பிடிக்கவில்லை...
உன்னை உனக்கு
பிடிக்கவில்லை...

கிரகணம்.............

2011-06-16T11:57:00.000-04:00

நிலாவாய் உனக்கு நானிருக்க
கதிரவனாய் எனக்கு நீயிருக்க
பூமியும் நம்மிடையே பூவாய்பூத்து
நெடுநேரம் நம்மைபிரிக்க எப்படிஇயலும்?

நம்மிருவருக்கு மட்டும் கிரகணம்
நமக்குநாமே பிடித்த கிரகம்
உன்னுள் நிரந்தரமாக நீயென்னை
விழுங்கியிருக்க பின்னெப்படி சாத்தியம்?

வஞ்சமின்றி நஞ்சை உமிழும்
அரவமென்னை கொஞ்ச கொஞ்சமாய்
வாயில் கவ்விபிடித்தாலும் உன்னால்
உயிர்பெறும் நான்எப்படி மறைவேன்?

மனம் மாறிய வேளை...

2011-06-15T08:27:00.003-04:00

என்கனவில் அவள் வந்தாள்
என்னருகில் மெல்ல அமர்ந்தாள்
என்னையே உனக்கு தந்துவிட்டேன்
உன்முன்னே நானடிமையென நின்றேன்...

என்னைபார்த்து என்னிடம் கேட்டாள்
என்னை என்னவெல்லாம் செய்யபோகிறாயென்று?
உன்னை என்னவெல்லாம் செய்யவேண்டுமென்று
சொல்லென்றேன் ஒவ்வொன்றாய் என்காதில்...

நாணலாய் வெட்கத்தில் தலைகுனிந்தாள்
பெண்ணினம் சொல்லிடமறுக்கும் பதில்தான்
ஆணினம் செய்திடநினைக்கும் செயல்தான்
என்றென மனதுக்குள் எண்ணிக்கொண்டேன்...

நீநினைக்கும் எந்தவொரு ஆசையையும்
நிறைவேற்றிட என்மனம் துடிப்பதையும்
இரட்டிப்பாய் செய்வித்து உன்னை
வீழ்த்திட நினைப்பதையும் அறிந்திடுஎன்றேன்...

என்விரல் பிடித்து
என்கேசம் கோதி
அவளிதழ் அசைய
தென்றல் காற்றாய்
எண்ணங்களை ராகமாக்கி
இசையாய் ஒலித்தாள்...

பட்டியல் முற்றுபெறும்
முன்னே என்னிதயத்தை
காகிதமாக்கிய வரிகளை
அவள்கையில் திணித்தேன்...

எந்தன் காகித்ததை பார்த்தாள்
எந்தன் கண்களை பார்த்தாள்
காதலை வார்த்தையில் சொல்லாமல்
அவளது பார்வையில் வைத்தாள்...

புணர்தல் இல்லாத காமம்
காமம் இல்லாத காதல்
காதல் இல்லாத அன்பு - இவையாவும்
ஒன்றென என்னையள்ளி அரவணைத்தாள்...

அவள்காட்டிய அன்பிற்கு
பரிசாய் முத்தமளித்தேன்
நான்காட்டிய காதலிற்கு
என்னை கட்டியணைத்தாள்

இதழோடு இதழ்மெல்ல சேர்த்தேன்...
முத்ததிற்குபின் கண்விழித்து பார்த்தேன்
அப்பொழுதுதான் தெரிந்தது எல்லாம்
இன்பமான கனவென்று இதயத்திற்கு..

மலர் பேசும் வார்த்தைகள்...

2011-06-11T08:37:00.002-04:00

அழகிற்காக என்னை

இறைவனும் பெண்களும்

சூடிமகிழ்ந்தாலும் எந்தன்

வாசனையில் மட்டும்தான்
பெருமை தெரிகிறது...
அழகாய் பிறந்தநாங்கள்
அத்தனை பேரும்
இறைவனையும் சேருவதில்லை
பெண்களும் சூடுவதில்லை...

உன்கைகளில் என்னைநீ

ஏந்திரசிக்கவே ஒருஇரவு

மட்டும் உயிர்வாழ்ந்தாலும் - உனக்காக

மலர்ந்திட துடிக்கிறேன்...

2011-06-10T04:02:00.000-04:00

யானையே!!!

நேற்றுவரை...
மைசூர் என்றால்
தசரா ஞாபகம்
தசரா என்றால்
உந்தன் ஞாபகம்

நீ என்றால்
உன்னழகு ஞாபாகம்
உன்னழகு என்றால்
காட்சிகள்பல ஞாபகம்

இன்றும்...
உந்தன் ஞாபகம்...
ஆனால் கொள்ளையடித்த
உன்னழகு கொலைசெய்ய
துவங்கியது ஏனோ?

காட்டை நாங்கள்
ஆக்கிரமிக்க தொடங்கியதால்
காட்டைகாக்கும் பொருட்டு
ஒருநாள் அடையாள
போராட்ட சின்னமாய்
நாட்டிற்குள் புகுந்தீரோ?
காட்டிற்குள் மரத்தை
முறிக்கும் நீங்கள்...
நாட்டிற்குள் வாகனத்தை
உடைத்தது ஏனோ?
செல்லும் பாதையில்
தடையாக இருந்ததாலோ? - எங்களும்
ரெளடிதனம் பண்ணதெரியும்
என்பதை காட்டவோ?

பணப்பெட்டி இயந்திரத்துக்கு
காவலன் அவன்...
உங்கள் தேவையது இல்லாதபோது
அவனை கொன்றதுஏனோ?
மனிதர்கள் நாங்கள்
பலபேர் மிருகமாகிறோம் - மிருகம்
நீங்கள் மனிதர்கள்போல்
மாறியதும் ஏனோ?

வாய்பேசும் மனிதனையும்
வாய்பேசா உன்னைபோன்ற
கால்நடையும் குத்தி
கொல்ல காரணமெதுவோ?

நண்பர் ஹாசிம் அவர்களுக்கு....

2011-06-10T03:56:00.001-04:00

ஒரேகருவறையில் பிறக்கவில்லை
ஈகரையில் இணைந்தோம்
அக்கறையை பகிர்ந்தோம்
எக்கரையிலோ இருந்தபோதும்...

இலங்கையில் பிறந்த
இராமன் நீ
இந்தியாவில் பிறந்த
விபிஷ்ணன் நான்

மதம் வேறாக இருக்கலாம்...
மனம் ஒன்றுதான் நமக்குள்...
எம்மதமும் சம்மதம்
எண்ணம் நமக்குள்...

நித்தம் பேசாமல்
போனாலும் உன்னோடு
பாசம் இல்லாமல்
போகாது என்னோடு...

கடல்கடந்து வாழ்ந்தாலும்
என்வாசமும் சுவாசமும்
நம்மை அறியாமலே
கலந்திருக்கும் காற்றினில்...

வாழ்வதற்கு பணம் தேவை...
வாழ்வில் குணம் தேவை...
வாழ்க்கைக்கு ஓர்துணை தேவை...
வார்த்தையில் பலமுறை கூறியவனே...

வாழ்வில் உனக்காவது
மணம் முடித்துகொள்ள
நான் ஆசைபடுகிறேன் - அதற்கு
உன்வரவினை எண்ணி...

மழையின் முத்தம்...

2011-06-08T05:55:00.000-04:00

இன்றைய பொழுதின்
முடிவோ?
இல்லை...
நாளைய பொழுதின்
தொடக்கமோ?
கேள்விக்கு விடைத்தெரியாத
நேரம்!
பயணமும் வாழ்க்கையும்
நள்ளிரவில்...

என்னை நனைப்பது
உந்தன் மொழியின்
வார்த்தைகளா?
இல்லை....
பெய்யும் மழையின்
பொழியும் சாரலின்
துளிகளா?
ஈரமும் கதகதப்பும்
என்னோடு...

கார்மேகம் தூவிடும்
பூவிதழ்களாய் தூறல்
என்மேனியை கொஞ்சம்
கொஞ்சமாய் தீண்டிட...
தேன்சொட்டாய் ஒவ்வொரு
துளியும் உன்னைபோல்
என்னையும் மண்ணையும்
ஆக்கிரமிக்க தொடங்கிட...

எங்கிருந்தோ குறிவைத்து
எய்யபட்ட அம்பாய்
எங்கிருந்தோ பிறந்து
என்னுதட்டில் விழுந்து
என்னை அதுவும்
ஏகாந்தத்தில் வீழ்த்தியது
எனக்கு நீயளிக்கும்
முத்தத்தினை போல....

2011-06-01T12:33:00.001-04:00

மஞ்சத்தின் மீது
பஞ்சணையாய் நினைத்து
நெஞ்சத்தில் உறங்கும்போது
எந்தன் வலப்பகத்தில் - நித்தம்
தலைசாய்த்து துகில்கொள்...

ஏனெனில்!
உயிராக என்னிதயத்தில்
உள்ளேவாழும் நீயாகிய
உனக்கு மெல்ல
உந்தன் சிரமோ?
உந்தன் கரமோ? -
உரசினாலும்கூட வலிக்ககூடும்...

இல்லையேல்...
இடப்பகத்தில் ஒலிக்கும்
இதயதுடிப்பின் ஓசையாகிய
உன்பெயரே மெல்ல
உன்தூக்கத்தை கெடுக்ககூடும்...

நீவருவாயென...

2011-05-30T13:08:00.000-04:00

சூரியனைபார்த்து மலரும்
செந்தாமரை மலராய்
அல்லாமல்...

உந்தன் முழுமுகம்
புதைத்து துயர்வின்றி
உறங்கவைக்க...

நிலாவே உனக்காக
என்மார்பும் பூத்து
காத்திருக்கிறது...

வெண்ணிலவே!!!
உறங்க வாரோயோ...
இறங்கி வருவாயோ
மயங்கி போவாயோ...

என்மடியில் பூத்த நிலா (பூ)....

2011-05-29T11:31:00.002-04:00

பகல்பொழுது விடியும்வரை
என்விழிகள் விழித்திருக்கவில்லை
எந்தன்மடி மீதினில்நீ
தலைசாய்த்து இருந்தபோதும்
என்விழிகளும் என்னைமறந்து - தானாய்
ஏனோதுகில் கொள்ளதொடங்கியது...

சிலமணி நேரங்கள்
நம்முதடுகள் நம்முடைய
வாழ்வின் நிகழ்வுகளை
பகிர்ந்துகொண்டே இருக்க
என்உதடுகள் உன்நெற்றியில் - புள்ளியாய்
கோலம்போட தொடங்கியது...

இடக்கைவிரல்கள் இடையிடையே
உச்சம்தலை வரைகேசத்தை
நேசமாய் வருடிகொண்டிருக்க
வலக்கைவிரல்கள் உன்இடக்கை
விரல்களோடு பத்தாக - ஒன்றாய்
மெல்ல இணையதொடங்கியது...

இரவின் நிசப்தம்எங்கும்
நமக்குள்ளும் படரதொடங்கியது
அப்பொழுது புரியவில்லை
பின்புதான் அறியநேர்ந்தது
இணைந்தது நம்மிதழ்களும் - மென்மையாய்
நம்மையறியாமலே என்பதனை...

உன்குரல் என்றால் தேன்....

2011-05-21T05:30:00.000-04:00

தேன் என்றால் இனிப்பு ஞாபகம்
இனிப்பு என்றால் உந்தன் ஞாபகம்
நீ என்றால் உன்நினைவுகள் ஞாபகம்
என்றென்றும் கெட்டுபோகாத தேன்போல
என்றும் என்மனதுக்குள் உன்நினைவுகளும்
இனித்து நாளுக்குநாள் பெருகிக்கொண்டே...

மௌன பேச்சுவார்த்தை..

2011-05-18T10:51:00.000-04:00

நித்தம் நித்தம்
இனி வேண்டும்
நமக்குள் சண்டை
உன்னுடன் பேசும்
தருணத்திலும் சரி
உன்னை நினைக்கும்
எல்லா பொழுதிலும்
சமரசத்தை மட்டும்
நானுக்கு தொடர்ந்து - என்வாழ்வில்
வழங்கிட நினைத்துக்கொண்டே...

நிலவின் நேசம்... அங்கே என் வாசம்...

2011-05-18T10:39:00.000-04:00

நிலவின் ஒளியாக
என்னைவந்து சேருகிறாய்
உன்னாலே
நானும் என்வரிகளும்
புத்துயிர் பெறுகிறோம்
தென்றலாய் பிறக்கிறோம்.

என்னை நீகாண
நிலாவாய் நித்தம்
வானிலும் என்மனதிலும்
உலா வருகின்றாய்
நான் உன்னை
கண்டு ரசித்திட...

உன்னை நான்காண
தென்றலாய் மாறி
பூக்களிலும் மேகத்திலும்
கலந்து காற்றாய்
வீசி வருகிறேன்
உன்னை தீண்டிட...

நிலவாய் என்னை
நோக்கி நீ
விண்ணிலிருந்து பயணிக்கிறாய்...
தென்றலாய் உன்னை
எதிர்நோக்கி நான்
மண்ணிலிருந்து பயணிக்கிறேன்...

மீன் - நீர்.... நான் - நீ...

2011-05-14T07:47:00.001-04:00

மீன் நீரிடம் சொல்லியது....

நான் அழுவது

தரையில் இருக்கும்

மனிதர்களுக்கு அல்ல

உன்னால் வாழும்

உனக்கும் தெரியாதென்று....

நீர் மீனிடம் சொல்லியது...

நீ அழுவது

எனக்கு புரியும்

கண்டிப்பாக... ஏனெனில்!

நான் வாழ்வது

வேண்டுமானால் உன்னோடு...

நீ வாழ்வதோ

என் இதயத்திலென்று...

அப்படிதான்....

நான் எழுதுவது

மற்றவர்களுக்கு கூட

புரிகிறதே உனக்கு

புரியாமல் போனதேனோ?

என்றிருந்தேன் எனக்குள்...

இன்றுதான் தெரி(ளி)ந்தேன்

உன் இதயத்தில்

வாழும் என்னை

எப்படி நீயறிந்துகொள்ளாமல்

விலகி இருக்ககூடுமென்று...

இது ஒரு குறுஞ்செய்தியின் தாக்கம்...

வா(ட்)டியது மனம்...

2011-05-11T11:36:00.001-04:00

பெரிய மேம்பாலம்
சிறிய துவாரம்
அழகிய மைனாவின்
உயரிய கூடு...

பலநாட்களுக்கு முன்பு
பிறந்திருக்க வேண்டும்
அந்த மைனாகுஞ்சு...

இன்றுதான் முதன்முறையாக
பறந்திட முயற்சியும்
செய்திருக்க வேண்டும்...

சிறகை விரித்து
மெல்ல பறந்தது
நெரிசல் நிறைந்த
சாலைக்கு மேலே...

மேலும் முடியாமலோ
பறக்க தெரியாமலோ
சாலையின்மீதே விழுந்துவிட்டது
கண்ணிமைக்கும் நேரத்தில்...

இரண்டு வாகனம்
மட்டும் ஒவ்வொன்றாய்
அதன்மேலே ஏறாமல்
எப்படியோ சென்றது...

என்னுடைய வாகனம்
பக்கத்தில் கடந்தது
மெதுவாக அதற்குள்
என்னையும் நகர்த்திவிட்டது...

என்மனம் இன்னும்
கடக்காமல் அங்கேயே!!!
அதனுடைய நிலையெண்ணி
நான் செய்வதறியாது...

வாகன நெரிசலிருந்து
தொலைந்து வந்தது
வாகனம் மட்டுமே - என்னிதயமோ
தொலைந்தது அவ்விடமே...

அன்பு...காதல்... காமம்...

2011-05-10T03:10:00.000-04:00

நீ!!!

அலைமகளோ
மலைமகளோ
கலைமகளோ
என்றுதெரியாது?

உன்இதயத்திற்குள் அவனை மெல்லஅடைத்து
உன்இல்லத்தின் கதவினை திறந்துவைத்திருக்கிறாய்
தென்றல்காற்றாய் உன்னை வந்துசேர்ந்திட
அவன்மனதுக்குள்ளும் இருக்கும் ஆசையையுணர்ந்து...

காற்றினைவிட நீஅவனுக்கு ஏந்திட
மென்மையானவள் என்று நிருபிக்கவும்
காற்றினையும் கையில் பிடிக்கமுடியும்
என்பதனை செயலில் செய்துகாட்டவும்

அவனிரு கரங்களில் அள்ளியெடுத்து
உன்னை அரவணைத்து சுமக்கசொல்கிறாய்
உன்செவியில் அவன்குரலில் இதமாய்
மெல்லிசை பாடலை ஒலிக்கசொல்கிறாய்...

// கையில் மிதக்கும் கனவாநீ
கை கால் முளைத்த காற்றாநீ
கையில் ஏந்தியும் கனக்கவில்லையே !
நுரையால் செய்த சிலையநீ //

ஒருபாடல் உன்னை பார்த்து அவன்பாட
மூன்றுபாடல் அவனை பார்த்து நீபாடுகிறாய்
ஒரேமுறை பார்த்தாலே போதும் என்கிறாய் - அவன்
உன்அன்பை என்னவென்று எண்ணிவியந்து போகிறான்

// நன்றி சொல்ல உனக்கு வார்த்தை இல்லை எனக்கு // என்கிறாய்....
//ஒன்றா இரண்டா ஆசைகள் எல்லாம் சொல்லவே// என்கிறாய்
//உனக்கென நான் எனக்கென நீ... நினைக்கையில் இனிக்குதே// என்கிறாய்...
எல்லாம் கனவாக வந்துசென்றாலும் மகிழ்ச்சியென்கிறாய்...

இருவரும் பார்க்காமல் போனாலும் போகக்கூடும்
ஒருவரையொரு புரிந்துக்கொண்டது மட்டும் போதுமென்கிறாய்
ஒருமுறைகூட வாழ்வில் சந்தித்தது இல்லை
மறுமுறை வாழ்வில் சந்திப்பதைபற்றி சிந்திப்பதற்கென்கிறாய் ...

நீயொரு பெண்ணாக
அவனொரு ஆணாக
உங்கள் உணர்வுகள் - இடம்மாறிக்கொண்டு
உங்கள் மனதுக்குள்....

கட்டைச்சுவர்....

2011-05-04T12:02:00.000-04:00

நம்முடைய மனதுக்குள்
கொண்ட காதல்
மட்டும் இல்லையடி
பெண்ணே...
வானம்வரை உயராமல்
பாதியிலே நின்றுபோனது
உனக்காக நித்தம்
காத்திருந்த இடமும்தான்...

இன்றும் நம்மிதயத்திற்குள்
வாழ்ந்திட்ட காதலை
மறவசெய்யாத ஓர்
உன்னதமான அழியாத
நினைவின் சின்னமாக
இப்பூமியில் மற்றொரு
தாஜ்மகாலை போன்று
என்கண்களுக்கு...

நாணம்......

2011-05-02T16:44:00.000-04:00

உன்னுடைய அலைபேசி
உந்தன் வெட்கத்தோடு
போட்டி போடுகின்றதோ
இல்லை...
உன்னிடம் கற்றுக்கொள்கிறதோ!!!

உந்தன் கன்னம்
சிவக்கும் முன்பே
அணைந்து போகின்றது
எந்தன் முத்தங்களை
பெற்றவுடனேயே.....

என்னை தீண்டா முத்தம்...

2011-04-30T23:37:00.001-04:00

பேசும்போது நீயெனக்கு
அளித்திட நினைத்து
பரிமாறி கொள்ளபடாத
முத்தங்களின் கணக்கை...

உரையாடி முடிந்தபின்
அலைபேசிக்கு மொத்தமாக
வாரிவாரி வழங்குகிறாய்..

எனக்கு கொடுத்திருந்தாலோ
ஒன்றினை மட்டும்தானே
கொடுத்து இருப்பாய்...

அலைபேசியை தீண்டும்
முத்தங்களின் எண்ணிக்கையோ
எல்லையற்று படருகிறது...

உந்தன் தீண்டாத

முத்தமும் என்னை

மெய்மறக்க செய்கிறதடி...

மழை... நீ... நான்...

2011-04-29T03:42:00.000-04:00

மழையே!!!
நான் உன்னை
என்றும் காதலிப்பேன்
நீ என்னை
இன்று காதலிக்காவிடினும்...

நான் உனக்காகவே
ஏங்கி காத்திருக்கேன்
நீ என்னை
காணவராமால் போனாலும்...

கொட்டும் மழைக்காலத்திலே
நீ வருவதில்லை
கோடையில் பின்னெப்படி
நீ வரக்ககூடும்...

நம்பிக்கை மட்டும்தான்
என்னுள் நிலையாய்
நீயுமென்னை கண்டிட
ஒருநாள் வருவாயென...

மழையை மட்டும்
நான் காதலிக்கவில்லை
மங்கை உன்னையும்
தான் காதலிக்கிறேன்...

இதயத்தில் மொட்டுவிட்டு
இதழில் பூக்காமால்
இன்றுவரை என்னுள்
இருக்ககூடும் காதல்....

உள்ளத்தில் விதையாகி
உதட்டில் விருட்சமாய்
உன்னிடம் சொல்லதுடிக்குது
உன்மீதான என்காதல்...

என்றாவது உன்னிடம்
சொல்லி விடக்கூடும்
அன்று உன்அன்பை
முத்தத்தில் சொல்லிவிடு...

எனக்கு மழையே
வேண்டாம் வாழ்நாளில்
எனக்கு கன்னத்தில்
நீகொடுக்கும் ஒன்றேபோதும்...

சிறுதுளி பெருவெள்ளம்
உந்தன் ஓர்முத்தமோ...
எந்தன் நெஞ்சிக்குள்
பெய்திடும் மாமழை...

வான்மழையும் என்னை
நனைக்காமல் பொய்க்ககூடும்
உன்அன்பின் மழையோ - என்னை
நனைக்காமல் போகுமா?

என் காதல்...

2011-04-25T12:11:00.000-04:00

பெண்ணே!!!
உன்மீது நான்கொண்ட அன்பினை
சொல்லிவிட எத்தனையோ வழியிருந்தும்
உன்னிடம் வார்த்தையால் நான்நேரில்
என்காதலை சொல்விட முடியாமல்...
ஊமையாய் என்னிதயம் வலிக்கின்றது
ஒருவேளை நான் ஊமையாக
பிறந்திருந்தாலும் உன்னை கண்டசமயம்
தைரியமாக கைஅசைவுகளில் சொல்லி
என்காதலுக்கு மறுமொழியாய் உன்னுடைய
கண்அசைவை பெற்றிருக்ககூடும் வாழ்வில்...
புரியாதமொழியில்கூட புரியவைக்க கூடும்காதலை
புரிந்தயென்னை நீபுரிந்துகொள்ளாமல் போவதேன்...

நன்றி:
என் நண்பர் சாய் அவர்களின் எண்ணத்திற்கு ஓர் சிறுவடிவம் இது...

தெரியாது... ஆனால்!!! இன்று...

2011-04-20T11:38:00.001-04:00

இதயத்தில் பூத்துவிட்ட காதலின்

அடையாள சின்னமோ என்னவோ?

தெரியாது.... ஆனால்!!! இன்று...

நீயுமென்னை ரசிக்க வேண்டும்

என்பதற்காகவே பலமணி நேரம்

கண்ணாடியின் முன்பு என்னை - நானே

ரசிக்க தொடங்கிவிட்டேன் புதிதாய்...

நீசெல்லும் வழியில் பின்திரும்பி

எதற்காக பார்த்தாயோ என்னவோ

தெரியாது.... ஆனால்!!! இன்று...

நீயெனக்காவே திரும்பியிருக்க வேண்டும்

என்பதற்காகவே தினமும்வந்து நிற்கிறேன்

உன்பார்வை மீண்டும் ஒருமுறை - கிடைக்காதயென

காத்திருக்க துவங்கிவிட்டேன் புதிதாய்...

நாளை அடைந்திடும் முன்னேற்றத்திற்கு

பள்ளிதேர்வுகளை படித்தேனோ என்னவோ?

தெரியாது.... ஆனால்!!! இன்று

உன்னோடு பேசிமகிழ வேண்டும்

என்பதற்காகவே கவிதைகளையும் படிக்க

கணினியின் தேடலில் நானே - என்னை

மூழ்கடிக்க ஆரம்பித்துவிட்டேன் புதிதாய்...

புதிதாய் மலர்ந்த பருவமோ

காரணம் அதுவோ? என்னவோ?

தெரியாது.... ஆனால்!!! இன்று...

என்வாழ்வில் நீசெய்திட்ட மாயமோ

என்னுயிரில் எப்படியோ? எவ்வாறோ?

ஓவ்வொரு நிமிடமும் நான் - இவ்வுலகில்

உனக்காக பிறக்கின்றேன் புதிதாய்...

இன்று போல் என்றும் இருக்குமா?

2011-04-14T02:42:00.000-04:00

(அனைவருக்கும் என் இனிய தமிழ் புத்தாண்டு நல்வாழ்த்துகள்...)

பிறந்திருக்கும் புத்தாண்டில் மனதுக்கு
பிடித்தவர்களோடு பேச நினைத்தாலே
உள்ளம்தானாக விண்ணில் பறக்கும்...

இருவரும் பேசும் சமயத்திலோ
விண்ணும் இடிந்து விழுந்தாலும்
நெஞ்சம் அறியாமல் போகும்...

தொலைவில் இருந்தாலும் பேசும்
மொழிதனில் அகம் மகிழ்ந்து
அமிர்தமும் சுவையற்று போகும்...

பக்கத்தில் அமர்ந்து பாயசமுண்டு
புத்தாண்டை கழிப்பதை விடவும்
இதயத்திற்குள் சந்தோஷம் பொங்கும்...

உதட்டில் வார்த்தைகளாய் அல்லாது
உதிர்த்து விட்ட மெளனமல்லாத
மொ(மு)த்தபூவும் தேனாய் இனிக்கும்...

செவியில் உணர்ந்த உண(ர்)வு
உதிரத்தில் கலந்து உடல்முழுதும் - என்றென்றும்
பரவசம் அடைய செய்கிறது....

என்னுள் நீ...

2011-04-12T10:54:00.000-04:00

என்னுயிர் தோழியே...

ஓன்றா? இரண்டா? நீயென்றால் எனக்குள் ஞாபகம்வர
எத்தனையோ உண்டு எதைச்சொல்லி எதை விடுவேன்...

கண்களை மூடி நான் சுவாசிக்கும் காற்றும் நீயல்லவா...
கண்களை திறந்து நான் வாசிக்கும் கவிதையும் நீயல்லவா....

கண்களை மூடி நான் மெய்மறக்கும் இசையும் நீயல்லவா...
கண்களை திறந்து நான் ரசிக்கும் மழையும் நீயல்லவா...

கண்களை மூடி நான் கேட்கும் அலையோசையும் நீயல்லவா..
கண்களை திறந்து நான் படிக்கும் அலைபேசியும் நீயல்லவா...

கண்களை மூடி நான் தூங்கும் காலையும் நீயல்லவா...
கண்களை திறந்து நான் வியக்கும் மாலையும் நீயல்லவா...

கண்களை மூடி நான் தேடும் நினைவும் நீயல்லவா...
கண்களை திறந்து நான் காணும் கனவும் நீயல்லவா...

கண்களை மூடி நான் நினைப்பதெல்லாம் நீயல்லவா
கண்களை திறந்து நான் காண்பதெல்லாம் நீயல்லவா....

என்னுயிர் பிரியுதடி...

2011-04-11T07:00:00.003-04:00

எந்தன் அலைபேசியில் புதிதாய்

எனக்குநீ அனுப்பும் குறுஞ்செய்திகளை

சேகரிக்க இயலாமல் முன்புநீ

என்றோ அனுப்பிய குறுஞ்செய்திகளை

ஒவ்வொன்றையும் நானாக நீக்கும்போது

என்மனதுக்குள் நடைப்பெறும் போராட்டத்தையும்

உயிர்விடுவதையும் எந்தவகையில் நீயறியக்கூடும் - நான்

வார்த்தையில் இவ்வாறு சொல்லாவிடின்...

அப்படியிருக்க பின்னெப்படி சாத்தியம்

எந்தன் உயிர்தோழியே உன்னை

என்மனதுக்குள் இருந்து நானாக

அகற்றிட நினைப்பது என்வாழ்வில்?

அகற்றிவிட நினைத்தாலும் என்னால் - ஒருவேளை

இம்மண்ணில் உயிர்வாழ முடியுமா?

சொல்லாத வார்த்தைகள்...

2011-04-08T07:32:00.000-04:00

இவ்வுலகம் நிலவில்லாத வானமாய்
இருண்டு நீண்டு போனதுபோல்...
உன்னுலகமும் கண்களும் கண்டிப்பாய்
இருண்டு தூங்காமல் போயிருக்ககூடும்...

உன்அலைபேசியும் என்குறுஞ்செய்திக்கு காத்திருந்து
உறக்கத்தை இழந்திருக்ககூடும்...
என்அலைபேசியும் என்மனமும் அனுப்பாது
இறந்துபோவதை நீயறிவாயோ?

என்மனதில் என்னவென்று நீயென
உன்னிடம் சொல்லிட எண்ணம்தான்
உன்மனதில் வண்ணத்தை படைத்தால்
என்மனம் தாங்கும் ஒருவேளை
பின்னத்தை கொடுத்தால் தாங்குமோ?

என் விடியல்...

2011-04-07T09:20:00.001-04:00

அன்று...
பொழுது புலர்ந்ததை
சேவல் கூவியது
கேட்டு ரசித்து
துயில் எழுந்தேன்!

பின்....
கடிகாரத்தின் மணியோசை
காதினில் ஒலித்திடவே
விடியலை அறிந்து
தூக்கத்தை கலைத்தேன்!!

இன்றோ....
உந்தன் குறுஞ்செய்திகள்
வந்து எழுப்பினால்
மட்டுமே பொழுது
விடிவதாய் உணருகிறேன்!!!

ஆனால்...
மூடுபனிகாலத்தில் கூட
பொழுதுகள் அதிகாலையில்
விடிந்தது சுகமாய்...
இளவேனிற்காலத்தில் ஏனோ
பொழுதுகள் விடிய
தாமதமாகி போகின்றது...
சிலநாட்கள் விடியாமலே
போவதையாவது நீயறிவாயோ?

* * * தஞ்சை.வாசன் * *

அது...

நீவேண்டுவது நானா?

அன்பின் பரிமாணம்...

உன் வருகைக்காக...

அவளோடு நான்....

மொபைல் சிணுங்கல்...

அன்புடன்,மம்தா & வாசன்

சொல்லும் மலரும்...

அமாவாசையும்... பெளர்ணமியும்...

அவளின் நிர்வாணமும்... அந்த நீலவானமும்... (2)

உங்கள் வாழ்த்தினை வேண்டி....

வாழ்க்கை...

அவளின் நிர்வாணமும்... அந்த நீலவானமும்... (1)

மீண்டு(ம்) உயிர்வாழ்வேன்....

எப்படி உணர்த்துவாயோ?...

சொல்லிழந்து...

என் நிழலும்... நிலவும்... நீயே...

உன்னை நினைப்பதுமட்டும்...

தோழியே உன்னோடு நான்...

அன்பும் அடங்கி போனது...

நீயா..? நானா..?

உனக்காக... உன்னோடு...

எது முத்தம்?

மாறமுடியாமல் நான்...

மரம்...

புண்ணியமும்... பாவமும்...

தீபாவளியும்... நீயும்....

என் இனிய தீபாவளி நல்வாழ்த்துகள்... அனைவருக்கும்....

வேற்றுமையில் ஒற்றுமை...

ஏக்கம்... (மணமாகாத பெண்ணின்)

பெண்ணாகிய நான்...

ஒதுக்கவில்லை.... ஒதுங்கிகொள்கிறேன்...

அறியாமல்...

இது தான்..

அலைபேசியின் - கோபமோ? நாணமோ?

மாற்றம்.

நீ!!!

உன்னால் என்பெயரும் கவிதைதான்...

எனக்குள்...

பகல்நிலவு...

நித்தம்...

புரியாமல் நான்...

நினைவுப்பரிசு...

மலர்... மங்கை... முத்தம்...

நிழலும்... சுகம் சுகமே...

வார்த்தை விளையாட்டு

உண்மையாய் எதுவாகினும்...

என்னுள் நீ...

முரண்

சு(சோ)கம்...

கனவா? கற்பனையா?

இருப்பினும் நான்...

வாழ்த்துகள்....

எண்ணும்... எழுத்தும்...

பூவே உன் வாசம்.... வாசமே என் சுவாசம்...

அழகிய பாடம்

ஆசைகள்.........

மன்னிப்பு...

என்னை அறிவாயோ?

புகைப்படம்...

சிறு வேண்டல்...

என் தேவனே...

பிறந்தநாள் நல்வாழ்த்துகள்...

என்விழிகள் மூடிக்கொண்டு

பெளர்ணமி நிலவே!!! (2)

இரயில் பயணத்தில் அவள்.... (4)

இரயில் பயணத்தில் அவள்.... (3)

இரயில் பயணத்தில் அவள்.... (2)

இரயில் பயணத்தில் அவள்.... (1)

கனவாய் மறையாத நினைவுகள்...

பெளர்ணமி நிலவே!!! (1)

நான்... கண்களா? இமையா?

என்னோடு நீ...

அப்படியென்ன பிடிக்காது...?

கிரகணம்.............

மனம் மாறிய வேளை...

மலர் பேசும் வார்த்தைகள்...

நண்பர் ஹாசிம் அவர்களுக்கு....

மழையின் முத்தம்...

அன்புடன்,
மம்தா & வாசன்