அலைபேசியின் - கோபமோ? நாணமோ?

அன்பே!
என்னருகினில் இல்லாமல்
தொலைவிலிருந்து என்னோடு
நீபேசும் காதல்மொழி
அத்தனையும் ரகசியமாய்
கேட்டு மகிழ்ந்தவன்...

என்னருகில் இன்றுநீ
நாசிக்குள் நுழைய
முற்படும் தூசியாய்
புல்லாங்குழல் எழுப்பும்
இன்னிசை கீதமாய்...

காதோடு எந்தன் பெயரினை
கனிவோடு செவ்விதழில் நீயழைக்க
அதனைக்கேளாது கோபம் கொண்டோ?
அதனைக்கேட்டு நாணம் கொண்டோ
தன்னுயிரை தானே மாய்த்துக்கொண்டு.