உன்னின் குரல்...

என்றோ!

உன்னோடு பழக்கம் தோன்றும்முன்

உன்னை பார்த்த முதல் தினம்

உன்னிடம் கேட்ட முதல் கேள்வி

உன்னின் மெல்லிய குரலில் கூறிய

உந்தன் இனிமையான பெயராய் பதில்...

அதனை எத்தனைமுறை மனதுக்குள்

உச்சரித்து பார்த்து மகிழ்ந்திருப்பேன்...

இன்று அந்த உன்னத உணர்வை

ஓர்திரைபடத்தில் வசனத்தின் வரிகளாய்

கேட்டபோதும் உள்ளம் மகிழ்கின்றேன்...

இன்றும் என் நெஞ்சில் எங்கோ உன்னின் குரல்

ஓர்மூலையில் மெல்லிசையாய் ஒலித்துக்கொண்டே...