உன் பதிலை வேண்டி…

அன்றுபோல்

சங்ககால காதலாய் இருந்திருந்தால்

தலைவி, தலைவன் மேல்கொண்ட

காதலை தோழியறிந்து

தோழி செவிலியிடம் உரைத்து

செவிலி நற்றாயிடம் எடுத்துக்கூறி - நாம்

மணக்கோலம் பூண்டு மகிழ்ந்திருக்கலாம்….

ஆனால்
கலியுக காலம் என்பதனாலோ

என்னை காணாமலே காதல்கொண்டு

என்னை கண்டபின்பே உன்மனதை

மனையோரிடம் சொல்லியதாக

சொல்லி ஏற்கவில்லை என்பதைமட்டும் - என்

மனம்கோணிட கண்ணீர் சிந்தாமல் சொல்லிசென்றாய்…

இன்றும்

வரும்எதிர் காலம் நம்முடையதாக

என்னை உன்தோழியாய் எண்ணி

உன்ஆழ் மனதில்பதிந்து இருப்பது

என்னவென்று கூறிவிடு சம்மதமென்றால்

மறுமுறை போராடி பார்க்கலாம் – நம்
மனசோகம் இன்றே நீக்கிவிடலாம்.